Við hvorki eigum né megum samþykkja nauðarsamninga Icesave

Ríkistjórn sossanna vill samþykkja að taka ábyrgð ábyrgð á Icesave samningi Svavars Gestssonar og félaga þó svo henni að það sé hvorki skylt né heimilt samanber góða grein Lofts Altice Þorsteinssonar í Mogganum á laugardaginn var.

Eva Joly hefur opinberað dugleysi Jóku klóku og skalla-Grímsa þegar henni tekst að koma málstað okkar í 4 stórblöð í jafnmörgum löndum á einum og sama deginum. Reyndar hefur upplýsts að grein hennar í Daily Telegraph var ritskoðuð Bretum í vil og erfitt hefur reynst að fá birtar athugasemdir við greinina á bloggi blaðsins vegna ritskoðunar þar á bæ.

Talandi um dugleysi óheillaparsins í ríkistjórninni, gæti það verið að óheillakrákur þessar vilji fá nauðungasamningana í gegn sem aðgöngumiða að ESB eins og ofbeldi þeirra gagnvart kollegum sínum á þingi bar vott um er ESB þingsályktunartillagan var þvinguð í gegn um þingið og tár margra flokksbræðra og systra tvíeykisins vonda.

ÁFRAM ÍSLAND
NEI við ESB  -  NEI við Icesave

Þjóðníðingar vinna fyrstu orrustu stríðsins um ESB-aðild

Þjóðníðingar fimm flokka á alþingi ákváðu í dag að eyða miljörðum í aðildarumsókn að ESB!

Þeim milljörðum hefði verið betur varið í aðstoð við heimilin og fyrirtækin í landinu því að við sem höfum fullveldi þjóðarinnar að leiðarljósi vinnum þetta stríð.

Það er engum blöðum um það að fletta að Rómarsáttmálinn gefur engin grið eða undanþágur við stefnu sína og reglugerðir.

Þegar að þjóðaratkvæðagreiðslu kemur munu allir þjóðhollir íslendingar segja nei við ESB enda ekki eftir neinu að sækjast öðru en að verða fátækur útnárahreppur sambandsins án neinnar stjórnar á sínum málum.

Geymið nöfn þjóðníðinganna á vísum stað og strikið þau út í næstu kosningum ásamt þeim tveim sem ekki gátu staðið við sannfæringu sína frammi fyrir þjóðinni og sátu hjá.

NEI við ESB - NEI við Icesave. ÁFRAM ÍSLAND

Samþykkt að senda inn umsókn

Íslendingum virðist vera sama hvernig þeim er nauðgað í ánauð til Brüssel.

Var á mótmælavaktinni á Austurvelli með lúðurinn minn, í alltof fámennum hóp, frá rúmlega eitt til sjö í kvöld. Íslendingum virðist vera sama hvernig þeim er nauðgað í ánauð til Brüssel.

Hvernig væri að þjóðin reyndi að vakna af sínum dásvefni og léti í sér heyra.

NB. það fara engin mótmæli í gang ef allir bíða bara og gá hvort eitthvað fari í gang

Nei við ESB - Nei við Icesave. Áfran Ísland !!!

Allir á Austurvöll í dag!

Í dag stendur til að greidd verði atkvæði um landráðatillögu ríkisstjórnarinnar varðandi ESB aðildarumsókn.

Þeir sem halda að hér sé bara verið að kíkja í pakkann eru haldnir hættulegum misskilningi því að hægt er að sjá 95% af skilyrðum og lagabálkum ESB með því að lesa þær upplýsingar sem birtar eru á vefsíðum ESB EKKI HALDA AÐ OKKUR STANDI NEITT ANNAÐ TIL BOÐA.

Tillaga ríkistjórnarinnar gengur ekki út á að kíkja í einhvern pakka heldur gengur hún út á að framselja fullveldi þjóðarinnar til skrifræðisins í Brüssel.

ALLIR SEM GETA EIGA NÚ AÐ MÆTA Á AUSTURVELLI OG MÓTMÆLA MEÐ HRÓPUM OG BUMBUSLÆTTI !!!

Til fulltrúa míns á Alþingi Íslendinga

Fulltrúi minn á Alþingi Íslendinga, ég vonast til þess að þú greiðir atkvæði á gegn Aðildarumsókn að Evrópusambandinu (mál 38) en til vara að þú samþykkir tillögu um að þjóðin verði spurð álits með þjóðaratkvæðagreiðslu um hvort sækja beri um aðild að Evrópusambandinu.

 

Þjóðin er beitt hræðsluáróðri í þessu máli og reynt að telja henni trú um (af leigupennum ESB) að allt muni lagast og ganga betur bara ef við afsölum okkur fullveldinu og göngum ESB á hönd.

 

Það mun taka að minnsta kosti sjö til tíu ár að fá tekna upp €vru hér en örfáar vikur að taka td. upp USD sem gjaldmiðil en skást væri þó að halda krónunni sem hefur þjónað okkur vel alla tíð sökum sveigjanleika hennar.

 

ESB ásælist fiskimiðin okkar orkuauðlindir og ekki síst aðgang að norðuríshafinu sem væntanlega verður skipgengt frá  Kyrrahafinu innan tíðar.

 

ESB mun ekki leyfa okkur að gera fríverslunarsamninga við önnur lönd eins og við gerum í dag (sbr. Kanada, Kína).

 

Við gætum hæglega skipað okkur sess utan ESB sem fullvinnslustöð fyrir Asískar og Amerískar vörur til útflutnings á  EES svæðið og skapað þannig atvinnu fyrir fjölda manns.

 

 Einnig fer ég fram á það við þig að þú leggist gegn samþykkt á Ríkisábyrgð á lántöku Tryggingarsjóðs innstæðueigenda og fjárfesta (Icesave-samningar) (136. mál lagafrumvarp 137. löggjafarþingi.) enda er það aðgöngumiði Samfylkingarinnar að Evrópusambandinu og mun að líkindum ríða efnahag þjóðarinnar og landsmanna allra að fullu.

 

Að síðustu hvet ég þig til að sitja ekki hjá í ofangreinum málum heldur greiða þeim atkvæði með (eða á móti) en mundu að undirritaður telur að þér sé skylt að tjá sannfæringu þína með þínu atkvæði þegar að því kemur.

Það væri aumt að vita til að svo afdrifarík mál sem hér eru standi eða falli vegna hjásetu eða fjarveru fulltrúa míns á þingi.

Með kveðju, Ísleifur Gíslason

Mótmæli á laugardaginn kemur!

Mætum öll á Austurvöll 20. júní:
Mótmælafundur á Austurvelli 20. júní kl. 15:00.
Breiðfylking gegn ástandinu í þjóðfélaginu, ICESAVE-samningnum og aðgerðarleysi í málefnum heimilanna.

http://www.raddirfolksins.org/

Ramakvein! Mæður munu gráta börnin sín, landlaus og hungruð.

Eftirfarandi kom fram í fréttum RÚV varðandi IceSlave samningana við Holland og reikna mætti með því að svipað væri upp á teningnum varðandi samskonar samning við Breta:

"að í samningnum sé ákvæði um að rísi ágreiningur um samninginn eða túlkun hans skuli úr honum leyst fyrir enskum dómsstólum. Þó geti Hollendingar farið fram á að málsókn verði höfðuð fyrir öðrum dómstólum.

Þá sé ákvæði um það, að standi Íslendingar ekki við samninginn geti Hollendingar gengið að eigum ríkissins, þó að því marki sem stjórnarskrá leyfir."

Ég hef áður bloggað um að IceSlave samningarnir myndu gefa ESB með BRETA í forystu tækifæri til að taka auðlyndir okkar eignarnámi og er það nú staðfest.

Ekkert mun verða heilagt þegar Evrópa leggur land vort undir sig og tekur brauðið úr munni komandi kynslóða. Hér liggur allt undir, orkan, fiskimiðin, landbúnaðurinn og sjálft ræktarlandið sem ásamt orkunni verður sífellt dýrmætara í hungruðum og orkufrekum heimi.

Ég á svo sem ekki von á að börnin okkar verði höggvin eins og Heródes ku hafa látið gera í Gyðingalandi forðum en mér kemur í hug setning sem ég las fyrir stuttu í góðri bók.

Matt: 2,18
Rödd heyrðist í Rama, harmakvein, beiskur grátur. 

Mæður munu gráta börnin sín, landlaus og hungruð.

Enskir dómstólar skera úr Icesave-deilum

Jóka talar tungum tveim

Á þeim degi sem við íslendingar minnumst þjóðhetju okkar Jóns Sigurðssonar og fyrir framan styttu hans talaði Jóka kerling út um bæði munnvikin og sagði sitt með hvoru.

Um sjálfstæðisbaráttuna sagði Jóka kerling "Sú barátta heldur áfram og segja má að í dag." út um hitt munnvikið hvatti hún íslendinga til að samþykkja afsal sjálfstæðisins til Brüssel og ESB ásamt því að þjóðin samþykkti IceSlave samningana og yrði þar með á valdi ESB um ókomin ár!

Áfram Ísland-Ekkert ESB-Nei við samninum um IceSlave.

Heyjum á ný sjálfstæðisbaráttu

Ríkistjórnin leggur þjóðina á bakið og býður ESB að gjöra svo vel að nota að vild.

Ekki leikur neinn vafi á því í mínum huga hvað vakir fyrir Bretum og ESB með þessum nauðungarsamningum sem St. Jóka og skalla-Grímur hafa gengist undir fyrir hönd þjóðarinnar er til þess fallinn koma þjóðinni í algert þrot og ekki verði aðrir kostir eftir en að bjóða auðlindir okkar upp í skuld.

Þannig fær ESB Orkuveituna, fiskistofnana, Drekasvæðið og Landbúnaðinn fyrir lítið auk aðgangs að norðuríshafinu.

Ríkisstjórnin hefur tekið þjóðina í bólinu og boðið ESB að gamna sér að vild.

Hækkar um 37 milljarða árlega

Ályktun Samtaka Fullveldissinna

Á fundi Samtaka Fullveldissinna þ. 25 maí 2009 var samþykkt eftirfarandi ályktun varðandi umsókn um inngöngu í ESB:

Samtök fullveldissinna krefjast þjóðaratkvæðagreiðslu
Fundur Samtaka fullveldissinna haldinn í Reykjavík 25. maí beinir því til Alþingis og ríkisstjórnar að þjóðin fái að taka afstöðu til aðildarumsóknar að ESB í almennri þjóðaratkvæðagreiðslu.

Samtök fullveldissinna telja að fyrirliggjandi þingsályktunartillaga ríkisstjórnarinnar um aðildarumsókn feli í sér svo afgerandi stefnubreytingu frá gildandi Stjórnarskrá lýðveldisins að ekki sé fært að stjórnvöld stígi slíkt skref án þess að þjóðin komi með beinum hætti að þeirri ákvörðun.

Þá vara Samtök fullveldissinna við þeim fyrirætlunum að senda sitjandi utanríkisráðherra á fund ESB með fjöregg og fullveldi þjóðar í farteskinu.

Greinargerð

Samfylkingin, Sjálfstæðisflokkurinn, Vinstri grænir og Framsóknarflokkur hafa allir á einhverjum tímapunkti haldið fram þeirri stefnu að bera ætti mögulega aðildarumsókn undir þjóðaratkvæði áður en ráðist yrði í að leggja aðildarumsókn fram. Þá hefur Borgarahreyfingin á stefnuskrá sinni að auka beint og milliliðalaust lýðræði.

Jafnfram er ljóst að um árabil hafa þeir sem harðastir eru gegn aðild að ESB barist gegn því að setja málið á dagskrá með þjóðaratkvæði um aðildarumsókn. Það réttlætir ekki að tillaga um aðildarumsókn skuli nú lögð fram án aðkomu þjóðarinnar.

Í því öngþveiti sem nú ríkir í íslenskum stjórnmálum hafa nokkrir af áköfustu ESB talsmönnum þjóðarinnar sætt því færi að halda fram nauðsyn þess að leggja aðildarumsókn fram í flýti en jafnvel þó leggja ætti umsókn fram á þessu ári er vel tími til að leyfa þjóðinni að segja hér álit sitt í almennri atkvæðagreiðslu. Raunar er vafamál að slík atkvæðagreiðsla taki lengri tíma en það annars tekur Alþingi að afgreiða þingsályktun um aðildarumsókn.

Þau rök að ekki gefist hér tími til að efna loforð um beint lýðræði í þessu veigamikla máli halda því ekki við nánari skoðun. Þá hafa komið fram þau rök að ekki liggi fyrir nægilegar upplýsingar til að þjóðin geti tekið afstöðu en slík rök hlytu þá jafnt að eiga við um atkvæðagreiðslu þá sem framundan er á hinu háttvirta Alþingi. Staðreyndir málsins eru að enginn getur greitt atkvæði með aðildarumsókn nema hjá hinum sama sé nokkur vilji til að Ísland renni saman við ESB og fyrir slíkri atkvæðagreiðslu liggja nægilegar upplýsingar.

Engin nauðsyn er að gefa kosningum um aðildarumsókn langan frest kosningabaráttu enda ekkert mál hlotið viðlíka umfjöllun á liðnum árum.

Miklu skiptir í þessu sambandi að umsókn um aðild að ESB gengur þvert gegn meginreglum og stefnu Stjórnarskrár lýðveldisins. Því er mikilvægt að Alþingi stígi ekki slíkt skref án þess að hafa annað tveggja breytt Stjórnarskránni með lögformlegum hætti eða hafi tryggan meirihluta landsmanna að baki sér áður en farið er í aðildarviðræður.

Stjórn Samtaka fullveldissinna.